私的ロジバン辞書

ni'o se ja'e la'e di'u gy troci lo nu lebna lo galtu pagbu be lo xadni lo ckana .i gy kurji gasnu lo nu farna lo stedu fa lo korbi be lo ckana .i frili snada .i lo xadni to'e ri'a nai lo nu ganra gi'e tilju cu masno jersi lo stedu fau lo nu carna .i ku'i ca lo nu lo stedu cu dandu bu'u lo vacri re'o nai lo ckana zo'u gy co'a terpa lo nu za'o tai muvdu .i va'o lo nu da'i gy curmi lo nu gy farlu zo'u ju'o sai lo stedu cu se xrani .i .ei li'a gy na ba'e nau binxo lo na'e sanji .i lo nu stali lo ckana cu zmadu fi lo ka se nelci gy