私的ロジバン辞書

ni'o lu ku'i doi io krati sei la .gregor. noi fenki gi'e to'e morji ro drata ri'a lo nu se fanza cu krixa .i mi ba zi gasnu lo nu kalri fa lo vorme .i lo milxe te bilma no'u lo nu cfipu se cinmo cu fanta lo nu mi binxo lo sanli .i mi za'o zvati lo ckana gi'e ku'i nau za'u re'u carmi cikna .i mi zi cliva lo ckana .i .e'o zi denpa .i mi za'o na se tcini lo xamgu poi mi pu krici .i ku'i zenba lo ka xamgu .i ue lo prenu cu ka'e se gunta lo simsa .i mi ca lo purci lamji vanci cu se tcini lo banzu xamgu .i lo rirni be mi cu djuno .i sa'e mi ca lo purci lamji vanci cu xa'o milxe jijnu .i ju'o mi pu simlu fi da .i .u'u ki'u ma mi na pu gasnu lo nu da djuno bu'u lo kagni .i ku'i je'u da ro roi jinvi lo du'u da ba pagre lo te bilma se cau lo nu nitcu lo nu stali .i .e'o doi io krati ko kecti lo rirni be mi .i no da mukti lo nu do pante mi .i mi no roi se tavla fi la'e di'u .i ju'o cu'i do na ba'o tcidu lo ro moi ke se vecnu se cpedu poi mi benji .i .ai mi se marce lo trene pe li bi .i lo surla cacra be li so'u cu ba'o rinka lo nu mi tsali .i ko na denpa stali doi io krati .i mi mi'u ba zi zvati lo kagni .i .e'o ko gasnu lo nu djuno kei gi'e rinsa se ka'i mi lo ralju li'u