私的ロジバン辞書

ni'o ja'o gy suksa klama lo bartu .i lo ninmu cu ca zvati lo lamji kumfa gi'e se sarji lo ciska jubme te zu'e lo nu xruti lo nu cnano vasxu .i gy cu vo roi stika lo farna be lo nu muvdu .i gy na birti lo du'u .ei gasnu lo nu snura fa ma kau .i gy viska fi lo kunti bitmu fe lo pixra be lo ninmu poi se taxfu lo skapi .i gy sutra cpare fi lo galtu gi'e co'a tagji lo pixra noi lo blaci pe ke'a cu se rinju gy gi'e gasnu lo nu gy jdika lo ka jelca cortu lo betfu .i lo do'a nai vi pixra noi la .gregor. cu mulno gacri cu ba se lebna no da .i gy gasnu lo nu lo stedu cu se farna lo vorme be lo ralju kumfa te zu'e lo nu zgana lo ninmu ca lo nu ny xruti