ni'o la .gregor. cu masno binxo lo jibni be lo vorme si'u lo stizu .i gy to'e jgari ri gi'e renro gy lo vorme .i gy stali lo ka sanli kei gi'e se sarji vy to lo jipno be lo cmalu tuple cu marji lo snipa toi gi'e ze'i surla bu'u vy mu'i lo nu pu nandu zajba .i ba bo gy co'a pilno lo moklu lo nu gasnu lo nu carna fa lo ckiku noi zvati lo stela .i ui nai za'a gy na se denci sa'e to pilno ma lo nu jgari lo ckiku toi .i ku'i zu'u nai lo xedja cu vlipa li'a .i gy si'u ra cu snada lo nu gasnu lo nu to'e cando fa lo ckiku .i gy na sanji lo nu ju'o gy xrani gy .i lo bunre litki cu cliva lo moklu gi'e flecu lo ckiku gi'e dargu carvi lo loldi