初めてのヴォラピュク

SAPAN FOTA (FÖVOT)

Kludo ävegoms lü sapan ed äkonoms ome fikuli.

Sapan fota äbleibom ninälön dü timil me medit seilik. Tän äsmililom, e poso äröbülom balibi oka, ed äsagom: "O cils! vero ne desinob ad cödön fati edeadiköl olsik, ab binos jenöfot, das binos nemögik ad dilön jevodis degvel ad dils leigik tel: binob man pöfik, dalabob jevodi te bali, ab ogivob oles jevodi balik oba, e me jevods degjöl, no obinos fikulik ad dunön ma büads fata olsik."

Primo yunans äprotestoms, ab sapan bäldik fota äbleibom flagön, das ösumoms jevodi omik.

"Völadi kinik jevod labon-li?" äsagom. "Klülos, das jevod et binon vemo frutik pro ob, ab jevod obik no kanonöv jonülön obe dünoti gretikum, ka me nätükam püda bevü nilädans obik; klu sumolsöd jevodi obik, e no jäfikolsöd fovo me ob! Büologal binon gidik, e pötatimo ogegivon obe jevodi obik, if atos obinon vil ona."

Boso jemiko e mu danöfiko yunans kil äsumoms jevodi sapana ed ävegoms lomio.

Blod bäldikün äsumom lafi, sevabo jevodis zül; telidan, kel ögetom kildili bal nimas, äsumom jevodis mäl, e yunikünan äsumom züldili bal nimas, sevabo jevodis tel. Blods äbinoms susläbiks, ab jemiks, das ilüsumoms legivoti mana pöfik, ed alan äblinom seilölo jevodis okik lü lecek oka.

Süpiko blod bäldikün äbleibom stanön, ed ävokädom:"O milag kion!"

Blods votik ägüflekoms okis pö vokäd et, ed älogoms lestunölo jevodi sapana fota zänodü yad ästanöli.

"Kim eglömom-li ad kesumön jevodi at?" äsäkom bäldikünan.

---

1) 上のエピソードを翻訳してください。

翻訳例

---

2) 次の質問にヴォラピュクで答えてください。

1. Kime blods äkonoms-li fikuli okas?
2. Kisi ädunom-li sapan dü timil?
3. Büä isagom vödis sapik blodes kil, kisi sapan edunom-li?
4. Me vöds za teldegluls, plänolöd gespiki sapana.
5. Pö gespik at, kikodo blods iprotestoms-li?
6. Kikodo sapan äbleibom-li flagön, das blods ösumoms jevodi?
7. Su veg lomio, blods kil äbinoms boso jemiks -- kikodo?
8. Kikodo blods yunikum süpiko igüflekoms-li?
9. Kiöpo älogoms-li jevodi votik?
10. Ed ol, labol-li jevodi, dogi, kati u nimis votik lomo?

解答例

---

3)最後に、このストーリーの約４分の１で、要約してください（ヴォラピュクで）。

解答例

---

速習講座09-3 <<< 前 | 次 >>> 速習講座10-1